Université de Toulouse-Le Mirail Département des Sciences du Langage





télécharger 1.51 Mb.
titreUniversité de Toulouse-Le Mirail Département des Sciences du Langage
page22/27
date de publication20.10.2016
taille1.51 Mb.
typeDocumentos
h.20-bal.com > droit > Documentos
1   ...   19   20   21   22   23   24   25   26   27

C-Textes de Bayonne, extraits des établissements de Bayonne. (Voir cependant l’appréciation de Luchaire sur ce recueil)
N° 4
CHARTE DE COMMUNE OCTROYÉE A LA VILLE DE BAYONNE

PAR LE ROI JEAN SANS TERRE (668)
(19 AVRIL 1215)
AQUEST ES LO PRIUILEGI DE LE COMUNIE QUE EN JOHAN

D’ ANGLETERRE DE AUS CIPTADANS DE BAIONE
IOHAN per le graci de Diu Rey d’Angleterre, Seinhor d’Irlande, Duc de Normandie et de Guiayne e Coms d’Anjou, als arcibesques, als abesques, als abatz, als comptes, als barons, a les iustizies, als vescomptes, als probostz, aus foresters e a todz sons bailes e sons fideus, saludz. Sapiadz que nos auem autreiat et ab aqueste nostre carthe confermat al maire e al cosseilh e als nostres prodomes en la ciptat de Bayone e a lors ers que aien en medisse le ciptat communie de medisse maneire que an los nostres borges de la Rochele en la nostre biele de la Rochele, saubas a nos en totes causes nostra prebostat e nostres costumes e nostres franqueses que en medisse la nostra ciptat de Baione deuem auer assi cum auem en le nostre biele de la Rochele; per que volem e manam fermemens quels dauant diitz lo maire, el cosseilh, els prodomis nostres estans en nostre ciptat de Baione e lors hers aien per todz los temps del mon le dauant diit comunie, assi com es diit. Testimonis son En W. Com. Barenn, W. Brigueir, Savarig de Mauleon, En Vairi filh de don Geralt, W. de Harecuit, John de Baissinge beirn (?), En Johan filh d’En Hugos, Fulc. de Briant. Dade fo per le man de maiester Richard de Marisc nost chanceler, au temple nau Londoniarij, hin XIX die d’abriu, hin XVIau an de nost regnement.
Si mestir es de far maire en Baione los C. qui son establitz pars eslieran III prodomes de le biele, los quaus presenteran a nostre seinhor lo Rey qui de quau a luys plague fasse maire.

Dels cent dauant diits pars seran esliitz XXIIII per consentiment dels C. pars qui a cascun an seran mudats, deus quaus los XII seran aperadz esqueuins eus autz XII cosseilhedors. Aquetz XXIIII, iureran en lo comensament de lor an que garderan les dreituries de sante glizie, e le fideutat de nostre seinhor lo Rey e iustizie e que dret judgeran segon lor consciencie, e que celerant [17] so que lo maire los manera celar e qui ag descobrira au paulrs (?) sera despauzat de son offici e armaira en le merce de le comunie.

Lo maire e los esqueuins s’amasseran dues vedz cascune sedmane per le coite de le biele; e si dopteran aucune cauze apereran dels XII cosselhedors quals se voleran e sober so auran lor cosseilh; els XII cosselhedors ab lo maire et ab los esqueuins seran ensemps cascun dissapte e tut los C. pars autressi cascue quinzene au dissapte sien ensemps ab lor.
Quauque de todz los dauant diitz no sera seis amonestement ab los autres pars aus dies quius son establitz, cum diit es dauant, auant que le prime sie cantade, si es esqueuin paguara v. ss., a les coites de le biele; el coselhedor qui noi sera iij. ss., et deus autres pars ij. ss., si combien excusacion no a ffeit coneisser lo dauant die au maire; e quals qui dels dauant diitz s’en ira sens licence dou maire de la semblement dels autres autretant paguera quant establit es de pagar si ad ore de prime no fos bincud. E se lo maire aucue vedz ah obs aucuns dous dauant diitz, si labetz aucun de lor no bin a son mant e a son semoiment paguera l’amende qui l’es establide si no mostre ubert teis.
Si aucun dels xij esqueuins volera anar en Angleterre o in autre terre loinhau o in peregrinadge, prenera lezer del maire e dels autres esqueuins quant seran aiustads au dissapte, e id ades aqui comunaumens eslieran aucun que establisquen en log de luy trou que tornie.
Sil maire els esqueuins sedent en esqueuinadge quant lo maire parlera, si aucun l’enterompera sas palauras, o desputera aucun homi queu maire volera que sie escoutat, lo maire lo manera carar; e si despuis destorbera le memorie d’aquet qui parlar deu ades paguera xij. dies si es dels iuradz de le comunie; e seran ne los viij. dies au profiit de le biele, eus iiij. dies auran ne los clerxs els serbens dou maire.
Si alcuns dels esqueuins e dels cosseilhedors o deus autres pars en lors dies establitz, posque per dret far sera assetiat ab los autz, lachera son seti per cosseilhar sens lezer dou maire, paguera xij dies, los viiij au profiit de le biele eus quate aus clerxs e aus sirbens.
Si lo maire eus esqueuins sedent en esqueuinadge e alore augun diitz mau ad autre en audiense, sera en merce dou maire e dous esqueuins segon le granesse dou mau diit e segon que es acostumat de mau dizer.
Si lo maire trespassera l’establiment e de la comunie (669) al doble sera de merce que seri I. dous esqueuins, car de luis diu esser pres ischemple de dreiture e de rigautat de gardar los establimentz.
Si habiere que aucuns hom tuscera augue cause dou son sober layron o sober faussari en Baione pres o prauat, e pucque monstrar per leyau testimoni de vesins que sie son so que cride, aredat lo sera; eu layron eu faussari sera iudiat per le comunie, e sera pauzat en lo pidloric, que totz le veien eu coneguen, e si deu auer seinhau, que l’aura. E se a forfait membre o autre cause plus, lo coupau e son captau seran liuradz a le iustizie del Rey a far de luy iustizie.

Si jurad de le comunie aucidera son iurat en sera faidiu o prauat, sera sa maison darrocade e medis lo coupau sera liurat ab sons captaus a les iustizies del Rey, si pot ester tincut.
Si jurad afreblezira son iurat d’aucun membre, lo pleit e l’amende d’aquero sera de nostre Seinhor lo Rey, e ed medis armaira en merce de la comunie, per so car son jurat aura afreblezit de son membre.
Si aucun fera discension de barailhe en le biele e dus dous XXIII juradz veiran asso e audiran, lo coupau sera prauat per le palaure de lor qui seran credudz per lor palaure, per so car juran au comensement de lor esqueuinadge que ver dizerin desso que veirin e audirin. Si dus dous C pars ac veden, lo coupau sera prauat per lor segrement e armaira en merce, e esmendera per esgoart dou maire et deus esqueuins lo mau feit segon que es, e segon que es acostumat de forfar.
Si aucun dizera mau en le biele ad aucun o en arrue o en meizon, sera prauat per II tastimonis dous C pars seis segrement, armaira a merce dou maire e dous esqueuins, segon queu maou diit es e segon que es acostumat de mau dizer; e se lo maumiat no ha tastimonis dous pars, son clam sera miat per ley de le terre.
Si aucun sera pauzat en pitloric no per lairois, ma cor aura feit aucune cause encontre l’establiment de la comunie, e aucuns l’ac artreitera per queu fasse bergoinhe dauant los juradz o dauant autres homis, paguera XX. ss., deus quaus aquet a cui l’artreit es estat feit aura los V. ss, eus XV. ss., seran a les coites de le biele. E si aquet qui artreitat l’ac aura, no bou o no pot pagar los XX ss., sera pauzat hin pitloric.
Si femne es prauabe [prauade] barailhose o maudizent, sera ligade ab corde sodz les aicheres e sera getade tres vedz en l'aygue aturn. Si augun baron l'ag artreite paguera x. ss., e si femne l'ag artreite, paguera x ss., o sera getade III vedz en l'aygue.
Si aucuns hom qui no sie de le comunie aura forfait ad augun jurat de le comunie, sera manat que emendi lo forfeit; si ed ag meinhspreze defenera hom aus iuradz de le comunie que no comengien ab luys en bener, ni en crompar, ni en prestar, ni en hostalar, si nostre seinhor lo Rey o son filh no es en Baione o assise; o si ed no bou emendar lo forfait, per so le comunie ag mustrera a les iustizies del Rey, e aiudera au iurad a domanar son dreit. E se aucuns dous iuradz fera contre quest debet, sera en merce dou maire e dous esqueuins.
Si aucuns fera clam de mau que hom l’aie feit e no bou prener dret per judgement dou maire e dous esqueuins, sera artincut et pauzat per gadge e per pleges, e jurera per que aquet forfeit no fera mau ad aquet de cui se sera clamat; e si per aquet forfeit lo fey mau, sera iudiat assi cum periuri.
Si aucun deus juradz de le comunie es pausat en merce per son forfeit, e non fei arrequerit ad aucun homi, si no es feit per comendement de nostre seinhor lo Rey, sa merce sera doblade, car no bolem auer la maubolense de nostz arricomis vezins.
Si augun dizera que es nostre vezin e nos no em certans, per testimoniadge de dus juradz prauera que ver es so que ed ditz.
Si aucun clerc o cauer deu deute ad aucun de le biele de Baione, eu deutor no s’ bou iustiziar peu maire ni peus C pars de le comunie, sera deffenut, que nulhs hom no comingie ab luys, ni en bener, ni en comprar, ni en prestar, ni en hostalar, si nostre seinhor lo Rey no es en Baione o assize. E se augun fera contre quest debet, arrenera lo prest au prestedor, e sera au merce dou maire e de la comunie; e si lo deutor per se no s’ bou iuistiziar, le comunie aiudera a iurad a domanar son dret.
Si en le comunie aura contente de deute o de combent o d’aucun marcat, sera terminade per arcordanse o per testimoniadge de II dous XXIIII iuradz qui seran credudz per sole palaure, car auran jurat au comensement de lor esqueninadge que ver dizeran desso que veiran e audiran; e si puihs que id auran acabat l’an de lor esqueuinadge e seran despauzatz, sodz contente de deute dauant lor prestade, o de combent, o d’aucue cause dauant lor faite, sera fenide per lor segrement. Mas si I deus XXIIII iuradz porte d’aquero testimoniadge, e I. o meis dous autres pars ab luy, aquet qui es dous XXIIII iuradz sera credut per sole palaure, eus autres per segrement. Mas si tres dous autres pars porten testimoniadge, termineran le cause per segrement. E si necun deus C pars no es testimoni, lo clam sera miat per ley e per costume de le terre. E si de X. ss., o de meinhs es lo clam, sera fenit per testimoniadge dous pars seis segrement.
Si augun fera clam de terre sober autre, lo clamant dera gadge e pleges de seguir lo clam. E si apres es faite conoischense d’aquere terre, eu clamant per reconoischense es bencut de faus clam, armaira en merce dou maire e dous esqueuins de LIX. ss., d’angeuins.
Si augun requerira sa cort de terre, autreiade lo sera, e si no fei dret au clamant eu IIes quinzeies, le comunie nou fera; si ed non a dreiture tenis, que eu maire e dus dous esqueuins sapien.
N° 5
CONFIRMATION PAR RICHARD, DUC D'AQUITAINE, DES FRANCHISES ACCORDÉES

AUX BAYONNAIS PAR W. COMTE DE POITOU, DU TEMPS DE RAYMOND

DE MARTRES, ÉVÊQUE DE BAYONNE
(1170) (?)
(670) CONEGUDE cause sie a todz aquetz qui son o qui seran que io R. filh deu rey d’Angleterre, comte de Peitau e duc de Guiayne, ey dat e autreyat aus nos amatz ciptadans de Baione costumes e dret per tustem, los quaus W. comte de Peitau prezent, Ramon de Martres abesque de Baione, autreia a lor quent Baione comensa a hedificar. So es assaber que todz hom qui es bencut Baione e y biera per estar, sabie que nos lauem autreiat tote le frenquesse en terre en mar e en bosc e en lanes, quent poira anar e tornar per I die. E despuis quoau die aura continuat, saub que qui auqui aura terre, que soubie cascun an los diers que deura au seinhor de le terre. E dous tribailhs e clams qui aqui se feran, se hom sen clame au seinhor o a sson vicari, aquet qui aura feite le iniurie que paguera .VI. s. E se augun estan en Baione sen volera ischir e anar estar en aut log, que aie poder de bener so qu’a se bener bou. E totz hom qui mei senescauc es, quou deu tier guidat per tote ma terre e outre tant cum pusque. E se per auenture auguns hom feit tort au mei senescaut o ad augun mey

[ce qui suit n’est pas dans l’édition de 1892 et vient de Que parlam]

[…] hom, dou tort prener dret e a beniarlo, quou seguiran tut; e totz hom qui seguir nou bolera, et paguera sieys ss. E si-l senescaut, prese le pecunie e hom que no l’age (feit) augun tort a luy ny aus sons, vou anar en augun loc, nou segu (ira lo) poble. E ey establit que totz antz me don hom hun marc d’argent […] per so que hom los demandabe (de) le baleye; e de cascune nau (que es) de le biele de Baione .II. ss. en cascun torn. Autressi ey autreyat aus homis (de Baione que porten per tot ont se boleran) lors pesqueyries chetz costume, si ab homis estrainhs (no) haben compagnie; e si ab homis estrainhs haben compagnie, que (pagueran) le costu(me cum) avant part. Los ey mes autreyat que lo senescaut qui aqui sera, los fase segrement de thier aquestes costumes. Testimonis son desso : En Fortaner, abesque de Bayonne, en W. Arn. abesque Dacxs, en W. Maino, en […].
D-Extraits de Que Parlam, pp. 35-37.
1266
Les Chanoines de Baione ont retiré la dixme Durmendie du fabriqueur lay. Cette dixme se partage entre les Chanoines et la fabrique. - L.O. f° 67 v°.
SABUDE causa sia que lo Capito de le Glizie de Sancta Maria de Baiona an sout le dezmarie d’Urmendie qui fo de le Daune de Lissaber, que l’obre de le Glizie de Baiona tie peinhs per .III. LB. Morlans; e es assaber que lo Capito a pagad aquestas .IIII. LB. a n’Arremon W. de Sen Lobui, manobrer de l’obre de le Glizie de Sancta Maria de Baiona.
Testimonis son : en Per. A. d’Uhart qui ere sodz maire per en Per A. de Biele, en Johan d’Ardir, n’Arremon Johan de Bisaudun, en P. de Puiane.

E daqui avant deu partir l’obre e lo Capito per maitadz.
Sants Arnaud Diberi affieve, de l’Evesque et Chanoines, une place et un jardin en un tenant, rue de St-Leon, pour six sols Morlans de fief. - L.O. f° 68.

SABUDA causa sia que io, en Sants Arnaut d’Iberi, ei recebude e prese la place eu casau thient bert l’oest ab aquere mediche place, qui son en l’arrua de Sen Leon, enter la place de n’Arremon de Luc de la una part, e la place d’en B. de Memizan de l’autre, d’en Per. B. de Camiade, claver del ondrabla (hypercorrection) Pair en Xhrist en S. de Hache abesque de Baiona. e d’en Magester V. de Perer, e d’en Magester Saubad, clavers dou Capito hi aqued temps, per .VI. sols de Morlans; los quaus los dei pagar cascun an en cascue feste de la Nativitad de Ihesu que sera.

E se los ditz Mosseiner l’abesque eu Capito bolen e dizen hi aucun temps avieideir, que io, en S.A., los pagasse…
1   ...   19   20   21   22   23   24   25   26   27

similaire:

Université de Toulouse-Le Mirail Département des Sciences du Langage iconUniversité de Toulouse II – Le Mirail
«notre vie [est] si peu chronologique, interférant tant d’anachronismes dans la suite des jours», constatait-il dans une parenthèse...

Université de Toulouse-Le Mirail Département des Sciences du Langage iconJacques krynen liste des travaux et publications ouvrages
«Regiment de princeps e de comunitats», dans Annales de l’Université des sciences sociales de Toulouse, XXVII, 1979, p. 339-366

Université de Toulouse-Le Mirail Département des Sciences du Langage iconMuriel Plana (Toulouse II le Mirail)
«Puissance et fragilité de la danse dans la relation théâtre-musique : de Meyerhold à la Needcompany» dans

Université de Toulouse-Le Mirail Département des Sciences du Langage iconRésumé : L’université de Toulouse, reconstituée en 1896, était la...
«Toulouse universitaire» et inclut l’institut catholique dans sa présentation des différents établissements d’enseignement supérieur...

Université de Toulouse-Le Mirail Département des Sciences du Langage iconTemps de la nature, nature du temps
«Institut d’Histoire et de Philosophie des Sciences et des Techniques» (ihpst, umr 8590, cnrs université de Paris-i panthéon Sorbonne);...

Université de Toulouse-Le Mirail Département des Sciences du Langage iconDépartement Pluridisciplinaire de Lettres et de Sciences Humaines...
«probatoire» qui permet aux étudiants ayant choisi les sciences humaines et sociales de vérifier si leur choix a été le bon et de...

Université de Toulouse-Le Mirail Département des Sciences du Langage iconRésumé Identification
«De l’usage des correspondances en histoire de la sociologie», aislf, cr 11, Université Toulouse II, juin 2014

Université de Toulouse-Le Mirail Département des Sciences du Langage iconManuel durand-barthez, Université de Toulouse 2, “ Judéité galicienne...

Université de Toulouse-Le Mirail Département des Sciences du Langage iconDépartement Pluridisciplinaire de Lettres et de Sciences Humaines (dplsh)
«probatoire» qui permet aux étudiants ayant choisi les sciences humaines et sociales de vérifier si leur choix a été le bon et de...

Université de Toulouse-Le Mirail Département des Sciences du Langage iconThèse en vue de l’obtention du grade de Docteur en Sciences du langage






Tous droits réservés. Copyright © 2016
contacts
h.20-bal.com